Уладзімір Сіняк: “У выніку санкцыйнага супрацьстаяння не выйграе ніхто”

Важнае Улада

У час азнаямлення з ходам капрамонту мемарыяльнага комплексу “Хатынь” Прэзідэнт Беларусі Аляксандр Лукашэнка адказаў на пытанні журналістаў і выказаў сваю пазіцыю аб многіх актуальных палітычных і эканамічных з’явах сучаснасці.

Сваім меркаваннем наконт некаторых агучаных кіраўніком краіны тэм падзяліўся дэпутат Палаты прадстаўнікоў Нацыянальнага сходу Рэспублікі Беларусь Уладзімір Сіняк.

– Наведваючы мемарыяльны комплекс “Хатынь”, Прэзідэнт Аляксандр Лукашэнка выказаўся аб адносінах з суседнімі з намі краінамі Еўрасаюза, у тым ліку з Польшчай. У выніку санкцыйнага супрацьстаяння Еўрасаюза з Расіяй і Беларуссю не выйграе ніхто. Тая палітыка, якую праводзіць цяперашняе польскае кіраўніцтва ў адносінах да Беларусі, чужая польскаму народу. Улічваючы тое, што ў Польшчы выбары, спадзяюся, што да ўлады прыйдуць разважлівыя, разумныя палітыкі, якія сапраўды падтрымліваюць свой народ.

У гэтым выпадку мы разлічваем на сяброўскія адносіны і плённае супрацоўніцтва ва ўсіх сферах узаемных інтарэсаў.

Мы з павагай адносімся да польскага народа і спадзяёмся на ўзаемныя адносіны да нас.

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga