Дрэва на дарозе
12 ліпеня выратавальнікам Гродзеншчыны паступіла 25 паведамленняў пра падзенні дрэў на дарогі ў Бераставіцкім, Гродзенскім, Навагрудскім, Мастоўскім, Ашмянскім, Свіслацкім і Іўеўскім раёнах, паведамляе МНС.
Не праехаць
Падчас моцнага ветру і дажджу ў Зэльвенскім раёне дрэва ўпала на частку жылога дома, а ў Гродне на вуліцы Санаторнай пашкодзіла прыпаркаваны легкавік.
Падчас навальнічнага фронту ў Гродзенскай вобласці перыядычна парушалася электразабеспячэнне ў 110 населеных пунктах. Аварыйны брыгады электрасктак на раніцу 13 ліпеня ліквідавалі ўсе аварыі на лініях электраперадач.
Падтапіла дом
Заліло падворак
Работнікі МНС і ЖКГ адкачвалі ваду з падвалаў дамоў і падтопленых тэрыторый у Навагрудскім, Ваўкавыскім і Мастоўскім раёнах, а таксама распілоўвалі і прыбіралі дрэвы з аўтадарог.
Фота МНС